假如世界末日

有人說, 2012年12月21日是世界末日.  之前也有很多次有人說是世界末日, 當然, 至今我們都安然無恙, 你也好好的在看文章.

但這一次世界末日的傳言似乎傳得特別響, 我認為是與傳媒有關. 電視上這陣子在播的 “香港玄案”, 無聊在家時看過個一兩集吧, 我就不明白有什麼玄案可言. 也許是我這人不夠 “玄”, 總是覺得主持人冇野搵野黎講. 另外也有看過一些節目也是關於世界末日的, 一般都內容空泛, 反正目的就是講一些根本無從考究的事情, 讓人覺得 “又好似係喎” 咁. 其實諗清楚, 正因為無從考究, 你也可以諗 “車, 你講晒啦”.

這些無從考究的事, 個人認為與宗教信仰性質甚似. 我其實並非無神論, 我相信這個世界是有神的, 只不過我不知道那個才是神. 神是否只有一個呢? 神的國度可否像人世間一樣, 分不同國家, 不同膚色呢? 可否同時存在耶穌, 玉皇大帝同真主阿拉呢? 有宗教的你, 唔好同我講唔得, 亦無須嘗試導我入教, 因為你註定失敗.

我認為我天生就是做律師的料子, 再加上職業病, 宗教這種無法證實的事, 我只會尊重, 但同時要求人地尊重我 “唔信”. 如果我與某宗教有緣, 我一定會有機會信, 就讓我自己去領悟吧, 你越迫我去信, 我越唔信, 仲可能會發火鬧返你轉頭, 你又何必自取其辱.

說回世界末日, 我雖然不信, 但也想過如果真的要死, 我會有什麼遺憾呢? 現在覺得會遺憾的, 就更應該在死前盡量改善/做到.

我份人一向唔鍾意後悔, 我同時相信人生苦短, 是應該活到老學到老的, 過去了的無須後悔, 只須往前看作出改善. 人是應該不斷進步的, 你不進步, 柱為萬物之靈唷.

人是渺小的, 安份守已, 盡力做好本份, 就足夠了, 即使是倒垃圾的對社會也有貢獻(我個人認為倒垃圾的貢獻還真的很大呢!), 試問世上又有幾多個德蘭修女呢. 我對於自己的現狀沒有任何後悔/投訴, 作為一個律師, 我比上不足比下有餘, 父母健在家庭和諧, 身體健康四肢健全. 至於對社會及世界的貢獻嘛, 我工作尚算盡忠職守, 總會對香港的法治有些微貢獻吧(我估…)

我也認為自己算是幸運的一群, 要錢, 無須生在富貴之家, 我自己會去搵, 我也應該算是中產吧(雖然在香港中產最慘); 要能力, 我一生未嘗過考試的失敗, 不論是讀書/考車/任何類型的考核; 要機會, 300人選8個的AIESEC以至全球十幾個office選6個人即將要去的肯雅之旅; 要樣貌身材, WELL, 見仁見智啦 , 但係起碼唔係爛面痴肥崩口崩鼻, 我要求不高正正常常就得, 得左.

總括來說，其實我已經好感恩我so far 的人生, 所以世界末日? 由佢啦, 就算係真，渺小的我又可以如何? 你又可以如何? 如果成日諗住，又要怕死，咁就連剩返的一年五個月都浪費掉，何苦.

如果真有世界末日，我會為能夠再看得到五月天演唱會, 能夠去肯雅做善事，同埋能夠下年12月21日請假回家與父母共同度過而感到無憾.　你呢?