淆淆聲

最近朋友之間似乎出現了一種寫部落格的風氣, 各有各的寫作目的 – 分享心得, 記錄生活瑣事, 討論時事或社會問題等等.  我建立這個部落格, 絕對如部落格的名字一樣 – Ahhh Ouch Woww... 只為發聲.

部落格, 寫得好的話, 確實能夠帶給人歡樂, 就以我為例, 對於朋友所寫, 內容精彩的文章, 看得津津有味, 在公司不太忙的日子, 我會 "追星" 一樣追看她們的文章, 會因為沒有新文章的發佈而感到少少的失落, 甚至主動催促朋友快點加new post.

曾經因為看朋友的部落格, 引起自己也想寫一下文章的興趣.  可是做了xx年人, 深知自己是一個將 "懶惰" 一詞無瑕演繹並發揮得淋漓盡致之人, 撫心自問非常有可能在三篇文章之後部落格便會被遺忘了.  所以明智決定, 放棄。

那麼現在部落格出世的原因呢?  事源最近隨便買了一本書, 王迪詩＠辦公室.  相信很多朋友都知道王迪詩, 亦有很多朋友問我是否認識她, 因為按理解王迪詩是比我只大幾歲的香港大學法律系師姐.  眾說紛紜, 有人話王迪詩其實是一個男人, 有人話佢其實係陶傑, 有人話其實係一group 人一起寫出來的...

總之, 我不認識她, 亦完全冇idea 她是否真實存在。只是看了 "她" 的文章(之前也偶然看過她的文章, 匯集成書反而未看過), 覺得稍為有趣之餘, 更覺得她有點嘩眾取竉迎合讀者 – 將大家心裡所想但通常不會說出口的說出來, 人們自然覺得岩聽岩睇.

作為一個律師 (我唔做IPO), 我必須為同行平反 – 我身邊同事, 朋友, 或朋友的朋友, 全身名牌成日去浦的大有人在, 她/他們不盡是法律界人士, 就算是律師, 在我看來這與她/他們是律師並無關係, 因為呢班人(律師與否)我好肯定佢地做份低薪的工作都一樣會咁樣生活, 因為佢地好多本來就生在富貴之家 (返工?  賺錢買花戴架o者...), 或者只係佢地生成就過份貪玩因此唔理會儲蓄. 反之, 在我公司生活不盡豪華的律師同事亦大有人在, 包括我自己.  澄清一下, 我一樣會買名牌, 一樣會去fine dining, 一樣會去飲酒, 只不過冇咁 "成日做住/著住" o者, 人生在世, 成日淨係識做住呢Ｄ野, 我懷疑其實係因為佢地冇其他更有意義的事可做, 亦即係無聊.

我唔知點解 (其實可能我知), 經常比人話我講野好harsh, 最近應承左我既好朋友Blue 要改善, 所以就以上的topic 還是點到即止好了.  在讀此文章的你, 如果又係成身名牌成日去浦的一份子, 咁你係咪無聊呢?  見仁見智啦...

我都話我只為發聲架啦, 講講下都唔知自己點解講到咁遠.

第一篇文章, 我是想交代一下部落格名字的由來.  剛才建立新部落格, 要命名, 我就gmail chat 問Blue有冇idea.  認識我既都知我叫 "阿淆" (AOW), 於是我想用一個英文phrase, start with Axxx Oxxx Wxxx 既.  後來我地得出幾個可用名字, 如下：

1. An Old Woman

2. Awful Old Woman

3. Awfully Odd Woman

4. An Ordinary Woman

5. Ahhh Ouch Woww

我本來用了 Awful Old Woman, 但怕從此冇人睇, 而且除左好笑之外完全不能代表我(無容置疑不能代表我!), 所以最後又改返做Ahhh Ouch Woww, 仲可以配合中文名 "淆淆聲", 讚!!

不如大家又來投下票, 應該用邊個名呢?  (本人保留最終決定權)